ARTIKEL

DIRANDAU… Nancy (dua kiba) rambau aum pemberita bejadi Program Skuad Waja ba sebuah hotel tebilang ditu, sehari tu. – GAMBAR MOHD ALIF NONI

Tuai Raban bansa dipinta mantu orang dipenyati

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Tuai raban bansa dipinta meseti nerima enggau mantu raban orang indu ti napi penanggul dipenyati ba ruang bilik.

Menteri Pemansang Indu, Ruang Bilik enggau Komuniti, Datuk Seri Nancy Shukri madah, bala tuai baka penghulu, pemancha enggau tuai rumah patut nyadi orang keterubah endur orang indu ngeripot lebuh sida bisi napi penanggul nya.

“Maya agi mit suba, aku suah meda orang datai ngagai rumah kami laban apai aku siku penghulu, sida datai ngeripot pekara ruang bilik enggau kes tanah.

“Nya alai, aku minta bala tuai meseti mantu raban tu kelebih agi bekaul kes menyati ruang bilik enggau kes belaya ke tanah,” ku iya.

Nancy mansutka jaku nya rambau aum pemberita bejadi Program Skuad Waja ba sebuah hotel tebilang ditu, sehari tu.

Ku iya, bala tuai beguna amat ba pengawa mutar sekeda kes mit sereta mantu orang ti dipenyati ngaga ripot polis ungkup kes besai.

“Nya alai, kami ba opis menteri numbuhka Program Skuad Waja dikena ngaul bala tuai negapka komuniti nengah program ti udah disedia.

“Sekeda program tu baka pengawa meri bantu ‘psikososial’ enggau aktiviti komuniti ti mungkur sukut ulah sebela, pekara wang, peneleba enggau nyadi tuai.

“Skuad Waja mega nyadi palan ditapatka mensia mayuh dikena meri penyedar senentang guna pengawa mutarka isu menyati ruang bilik kelebih agi mantu orang indu tauka orang ti dipenyati ngaga ripot ngagai raban bekuasa,” ku iya.

Iya madah, nya mega mungkur pengawa meri sukung pengerai runding sereta nyadi peninga ti manah ngagai orang ti dipenyati.

BERITA LAIN

Statistik kangau ngenyit nurun

KUCHING: Penyampau kangau penusah ngenyit ungkup taun tu nurun nyentuk 5.1 peratus dibanding taun 2023. Pemangku Direktor Opis Bomba enggau Penyah Penusah Nengeri Sarawak (JBPM),

Buai tayar lama chara ti betul

KUCHING: Tiga ejensi chakah ngatur pejalai narak penyedar ngagai mensia mayuh senentang pengawa muai tayar lama enggau chara ti betul. Kerejasama tu udah dipelajai entara

Bomba Volunteer ditegap baru

KUCHING: Opis Bomba enggau Penyah Penusah Malaysia (JBPM) Sarawak keran deka negapka tanggungpengawa komuniti nengah Bomba Volunteer kelebih agi ba menua ulu. Pemangku Direktor JBPM

Dagang Birai Ason ikan salai laku

PENGEREKAI pandemik COVID-19 mai tuah ngagai Birai Ason, 47 laban iya mujur ngiga chara ngelakuka dagang ikan tilapia idup ngagai ikan salai. Diau ba Rumah

BERITA TERBARU

STU erat hubungan kerjasama dengan JPNS

KUCHING: Kesatuan Guru Sarawak (STU) buat julung kalinya mengadakan kunjungan hormat ke Jabatan Pendidikan Negeri Sarawak (JPNS), Rabu lalu (29 Mei). Presidennya, Kullin Djayang berkata,

Penunggang motosikal maut bertembung kereta

SEBUYAU: Seorang lelaki berusia 25 tahun maut selepas motosikal yang ditungganginya terlibat dalam kemalangan jalan raya dengan sebuah kereta di Jalan Kampung Seruyuk ke Sebuyau