Tubuh nembiak karam pulai nginti udah ditemu

MIRI: Tubuh kedua orang ke lenyau pengudah karam ba Long Mewah, Marudi ditu kena Hari Enam nyin tadi udah ditemu urung pukul 8.50 pagi tadi.

Ketuai Opis Bomba enggau Penyah Penusah Miri, Law Poh Kiong ba sebengkah penerang madah, raban nyidi enggau nyelamat (SAR) tetemuka tubuh niang ba ulu sungai Long Sobeng.

Tudah niang ditemu urung sejam setengah pejalai ari endur perau seduai karam.

Nitihka penerang, tubuh niang nya udah diserah ngagai piak polis ungkup atur pengawa bukai.

Operasyen SAR pengelama tiga hari nya diketu tekala nya pengudah seduai ke lenyau ba penusah karam udah ditemu.

Niang Franky Setiawan Jena, 14 taun, ke dulu ditemu urung pukul 4.30 lemai Hari Satu nyin tadi, urung 15 minit pejalai ari ili endur penusah nyadi.

Ba penusah ke nyadi urung 9.30 malam nya, seduai nya dipelaba lenyau ditabanka arus deras pengudah perau ditepan karam ngelantak batu lebuh ba rantau jalai pulai ari nginti.

Suara Sarawak