ARTIKEL

UDAH DITEMU… Tubuh niang Chaong ti dipelaba ditagup jagu udah ditemu urung pukul 8.40 pagi tadi.

Tubuh niang Chaong udah ditemu

Facebook
Twitter
LinkedIn
WhatsApp
Telegram

SKRANG: Tubuh siku orang tuai benama Chaong Baringai ti dipelaba ditagup jagu kemari mujur ditemu pagi tadi sereta bisi bekau ditagup jagu ba rekung iya.

Pegawai Penyaga Orang Periman Pelilih Betong, Kapten Siti Huzaimah Ibrahim ngenukuka tubuh lelaki beumur 67 taun nya ditemu urung pukul 8.40 pagi.

“Tubuh iya ditemu pukul 8.40 pagi urung 10 meter penyauh ari penusah nya ti nyadi.

“Lebuh ditemu, tubuh niang agi menyana semina bisi bekau ditagup jagu ba rekung aja,” ku iya.

Terang iya, tubuh niang lalu diserah ngagai raban polis ngambi diatur pengudah nya.

Lebuh penusah nya nyadi urung pukul 10.20 pagi kemari, niang Chaong benung ngisi ai ngagai tong pemanchit ba tebing sungai nya enda jauh ari kebun sawit enggau padi paya sida dia.

Bini niang ti bela enda jauh ari palan nya meda penusah nya nyadi.

Iya madahka diri ninga panjung laki iya ti ditagup siku jagu sebedau ditabanka ngagai ulu sungai nya urung 200 meter penyauh.

LAIN-LAIN BERITA

BERITA TERBARU