Tubuh niang James ‘ditiki’ ngena traktor

BALEH: Tubuh siku penumpang ti tepekul dalam entukar 4WD ti tepanggai ba pun kayu pengudah labuh ke lebak mujur dibai niki urung pukul 10.30 pagi kemari.

Nitihka penerang ari Palan Operasyen Bomba Sarawak, dua iku diripot dalam entukar lebuh penusah bebadi kediri nyadi kena Hari Tiga nyin tadi.

“Entukar seduai nya labuh ke lebak urung 20 meter peninggi lalu tepanggai ba pun kayu ke bisi dia.

“Siku ti patah pah kiba ulih dibai peranak menua nya niki seraya siku da agi tepekul dalam entukar.

“Taja pia, operasyen hari kedua ditampung baru sehari tu (kemari) mujur mai tubuh niang James Kanyan pansut ari entukar nya,” ku penerang nya.

Iya madah baru, tubuh niang digalika raban Bomba ba pengaling ti udah ditanchang ngena tali lalu ditarit ke atas ngena traktor.

Udah datai ba atas, baru tubuh niang James diserah ngagai raban polis ungkup atur bukai.

Ke penerang, penusah bebadi kediri nya nyadi urung pukul 3.36 lemai ba jalai batang semak Jalai Melinau-Mujong ditu. – OSMAN RAZALI.

Suara Sarawak