ARTIKEL

KENANG BEREGA… Abang Johari (duduk tengah) begambar enggu bala Sekretari Politik Premier Sarawak ba Wisma Bapa Malaysia ditu, kemari. – GAMBAR UKAS

Tujuh iku angkat sumpah nyadi Sekretari Politik Premier Sarawak

Facebook
Twitter
LinkedIn
WhatsApp
Telegram

KUCHING: Bisi tujuh iku angkat sumpah nyadi Sekretari Politik Premier Sarawak ba sebengkah program ba Wisma Bapa Malaysia ditu, kemari.

Sida nya sebagi ari 20 iku ti angkat sumpah pangku pengawa ba mua Premier Sarawak, Datuk Patinggi Tan Sri Abang Johari Tun Openg.

Ari tujuh iku nya, lima iku ari Parti Pesaka Bumiputera Bersatu (PBB), siku ari Parti Rakyat Sarawak (PRS) enggau siku agi ari Parti Demokratif Progresif (PDP).

Entara tujuh iku nya baka Hajis Japar Labaw (PBB), Dominic Nyurang Ajang (PBB), Watson Awan Jalai (PBB), Colin Patan (PBB), Afiq Fikri Brahim (PBB), Thomas Balan Bang (PRS) enggau Joshua Ting Fu Ying (PDP).

Nangkan nya, 13 iku ti bukai dichiri baru ngujungka penyampau Sekretari Politik Premier Sarawak diatu manggai 32 iku.

Sida ti ngarika PBB iya nya Petrus Igat Mathias, Sarkawi Suhaili, Romeo Christopher Tegong, Fridah Osman, Dayang Nurfizawati Abang Abdul Karim, Abdul Samat Gany, John Nyigor, Damen Rejek, Sayed Azmee Wan Junaidi enggau Awangku Jinal Abedin Datuk Pengiran Jawa.

Baca lain  Nembiak Sarawak tuai runding

Susan Clement Ingun (PRS), Fung Kok Shiun @ Brian Fung (PDP) enggau Niponi Undek (SUPP) bela angkat sumpah.

Timpuh chiri nyadi Sekretari Politik Premier Sarawak nya diterit ungkup timpuh dua taun berengkah ari kemari 1 April 2024.

Bela ngulu program nya, Sapit Premier Sarawak, Datuk Amar Douglas Uggah Embas enggau Datuk Amar Dr Sim Kui Hian, Menteri Industri Pemakai, Komoditi enggau Pemansang Wilayah, Datuk Seri Dr Stephen Rundi Utom, Menteri Pelajar, Inovasyen enggau Pemansang Penau ti mega Presiden PRS, Datuk Joseph Salang Gandum.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

Komersialkan beras premium Ba’kelalan

LAWAS: Penjenamaan semula pembungkusan beras Adan bakal mengangkat nilai tanaman tradisional itu sebagai beras organik premium. Yang di-Pertua Dewan Negara, Senator Datuk Mutang Tagal, berkata

Doyoung NCT sah konsert solo pertama

PENYANYI, Kim Doyoung, 28 dari kumpulan NCT, bersedia mempamerkan persembahan solonya. SM Entertainment menerusi satu kenyataan memaklumkan, Doyoung bakal mengadakan konsert solo pertamanya selepas penerbitan

Kyrgyzstan sekat TikTok

BISHKEK: Wanita muda, Aku Sharsheeva, 22, berasa kecewa apabila gagal mengakses platform TikTok di studio fotografinya di ibu kota Kyrgyzstan minggu ini. “Tiada apa-apa yang