Tujuh iku diau serumah nyau deka bebadi angus

PADAWAN: Tujuh iku mujur lari ngidupka diri ba penusah rumah angus di Kampung Semban, malam tadi.

Pengari Palan Operasyen Bomba Sarawak madahka raban sida nerima kangau pasal penusah nya urung pukul 11.35 malam.

Ku iya, raban ari Balai Bomba enggau Penyah Penusah (BBP) Bau berumban ngesah ngagai endur penusah nyadi udah nerima kangau nya.

“Lebuh datai dia, kami dua meresa enggau nentuka nadai orang tepekul dalam rumah ke angus nya.

“Sida betubuh tujuh iku ke diau ba rumah nya mega nadai apa nama lalu nadai penusah bebadi nyawa nyadi.

“Taja pia, rumah kayu nya angus lengis,” ku iya ba sebengkah penerang berita tadi.

Nambahka nya, raban bejalaika operasyen udah ngerara bara api dataika padam abis nentuka penusah enda nyadi baru.

Pansik silik benung dipejalai diatu nentuka pun penusah angus nya tau nyadi.

Dulu ari nya, raban BBP Siburan mega bisi datai ngesah penusah nya laban deka mantu operasyen nya.

Suara Sarawak