Tujuh kampar mujur disekat ari tama nengah jalai chit

LUNDU: Bisi tujuh iku kampar ditangkap laban nguji tama ke Sarawak nengah jalai chit ba KTJ pos Telok Melano, malam tadi.

Komander Briged Pasukan Gerakan Am (PGA) Sarawak, SAC Mancha Ata madahka semua saspek ditemu asil pengawa nginau Ops Bersilang urung pukul 4.30 nyentuk 5.40 lemai ari kompeni B Batalion 10 PGA.

Ku iya, semua kampar nyengkaum siku indu beumur entara 22 ngagai 40 taun.

“Lebuh diperesa, semua sida endang nadai pasport.

“Sida udah nya diiring raban KOMTEK sebedau diburu pulai ke menua asal nengah jalai ti sama,” ku iya nerang.

Nambahka nya ku Mancha, kes dikategori di baruh Seksyen 6(1) Akta Imigresen 1959 (Akta 155) enggau Akta Pencegahan dan Pengawalan Penyakit Berjangkit 1988 (Akta 342).