ARTIKEL

Tujuh pintu peranak ba Rh James Brandah angus lengis kemari

Facebook
Twitter
LinkedIn
WhatsApp
Telegram

SARIKEI: Sebagi ari peranak Rumah James Brandah, Muara Bunut ba Bintangor ditu lenyau endur diau pengudah rumah panjai sida angus lengis diempa api.

Nitih ke penerang Palan Ngatur Operasyen Bomba Sarawak, penusah diripot nyadi urung pukul 3.33 ngalih hari lalu raban sida ari Balai Bomba enggau Penyah Penusah Bintangor berumban ngesah kin.

Ku iya, raban bomba nengah jalai ti nepan feri nyelayang Batang Rajang ngelawa endur penusah ti nyadi ba tanah seberai ari Pasar Bintangor.

“Api nganguska seluntang rumah panjai tujuh pintu ti angus lengis ba penusah nya seraya seluntang da sida ti betampung enggau sekeda rumah nyembuah nadai apa nama.

“Penyikar raban bomba mujur ngerara enggau nagang api ari majak nyerarai urung pukul 4.26 lemai,” ku iya ba sebengkah penerang kemari.

Ku penerang nya mega, sebuah da luntang rumah panjai ti betapak mua kira lima meter penyauh ari rumah panjai ke angus nya mujur diselamat raban bomba.

Bisi empat buah rumah ti ngentak nyembuah angus 40 peratus, sebuah balai mensia mayuh angus 50 peratus seraya empat da rumah nyembuah mujur diselamat.

“Penusah nadai ngerikod sebarang penusah bakal enggau bebadi nyawa,” ku iya nyemetak.

Naka berita tu ditulis, penyampau peranak ti tasah enggau pun penusah nyadi agi dipansik raban bomba. 

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU