Tulung mih diri sebala ke enda nemu chara rejister

SARATOK: Rebak nembiak dipinta mantu sida ke tuai tauka barang sapa ke nadai seling penemu pasal pengawa betuchuk vaksin rejister nama.

Sapit Menteri Pengeluar Kuasa enggau Pengeraja Asal, Datuk Ali Biju madah, raban nembiak ke nemu agi kuing program nya anang enggai nyaup bala bukai enti sema sida nya napi penanggul deka rejister.

Ku iya, engka penerang enda datai ngagai sida ke tuai kelebih agi peranak menua pesisir enggau menua ulu kelimpah tebal agi sida nya enda nemu macha enggau nulis.

“Minta kasih ngagai sida ke nembiak madah enggau mantu bala apai indai, aya ibu enggau aki ini di rumah panjai rejister nama ungkup Program Betuchuk Vaksin tu.

“Kitai sama nemu sida tu raban ke mudah kena rampit penyakit sereta nadai seling penemu bekenaka kereban teknologi enggau aplikasyen,” ku iya.

Ali ke mega Kaban Parlimen Saratok mansutka sadang penemu nya lebuh dirandau Suara Sarawak pengudah dituchuk vaksin keterubah rambau Program Betuchuk Vaksin Raban Terabai Komuniti ba Dewan Sri Krian ditu, pagi tadi.

Berita penuh Ruai 3 pagila

Suara Sarawak