ARTIKEL

Tumbuh sebuah agi klinik ba Bau

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BAU: Pelilih Menua Bau beguna ke sebuah agi klinik pengerai dikena nampung pemayuh rayat ti majak nambah ngena servis pengerai sereta mutarka penanggul sepital sekut ba Sepital Bau.

Sapit Menteri Pengerai, Lukanisman Awang Sauni madah, pelilih menua nya nyadi sebuah ari 16 buah pelilih menua di Sabah enggau Sarawak ti agi bedau ngembuan klinik sereta bepanggai ba opis pesakit luar.

“Nitih perambu enggau pansik Opis Pengerai Nengeri, Pelilih Menua Bau begunaka sebuah klinik pengerai kategori tiga.

“Taja pia, kami agi meda gaya tanah enggau palan ti engkeman seraya berandauka sekeda alternatif ti ulih diguna ungkup timpuh pandak enggau timpuh panjai,” ku iya.

Lukanisman mansutka jaku nya lebuh dirandau pemberita pengudah bejadika Program Skim Siruka Pengerai Ungkup Raban B40 (PeKa B40) Renggat Pelilih Menua Bau Taun 2023 ba Balai Suarah Bau, ditu kemari.

Ku iya, dikena mutarka penanggul sekut ba Sepital Bau ungkup timpuh pandak, KKM merambu deka mindahka sementara Klinik Pengerai Indai enggau Anak (KKIA) ngagai begunan Opis Pelilih Menua Bau ti lama.

Iya madah, pekara nya diperambu laban Opis Pelilih Menua Bau diatu benung pindah ngagai begunan opis baru sida.

“Datuk Henry (Adun Tasik Biru) merambu ngagai kami ngeluarka klinik pengerai ngambi ulih ngadu operasyen ba palan baru dikena ngurangka penyekut ba Sepital Bau.

“Ba Bau ditu, nya enda sekut baka sepital di mengeri tang servis berubat ti kelalu lama nganti tu ngasuh sida pesakit enda lantang,” ku iya.

Sama datai Sapit Menteri Perengka Pengangkut ti mega Adun Tasik Biru Datuk Henry Harry Jinep, Adun Serumbu, Miro Simuh, Adun Opar, Billy Sujang, Residen Kuching, Fathi Hambali enggau bala bukai.

BERITA LAIN

BERITA TERBARU