ARTIKEL

DIPEBASA… Abang Johari nyua ke pingat ngagai Tun Pehin Sri Dr. Wan Junaidi ba pengawa ke diatur di Astana Nengeri Sarawak tadi.

TYT Sarawak bulih gelar Pehin Sri

Facebook
Twitter
LinkedIn
WhatsApp
Telegram

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke mai gelar Pehin Sri.

Ba pengawa nya, Premier Sarawak, Datuk Patinggi Tan Sri Abang Johari Tun Openg ngari ke Perintah Sarawak udah nyua ke pingat nya ngagai Tun Pehin Sri Dr. Wan Junaidi ba Majlis Istiadat Penganugerahan Darjah Kebesaran Negeri Sarawak di Astana Nengeri Sarawak, pagi tadi.

Tun Pehin Sri Dr. Wan Junaidi nyadi penerima kelima darjah nya, pengudah niang Tun Pehin Sri Abdul Taib Mahmud, Tun Pehin Sri Dr Mahathir Mohamad, niang Tun Pehin Sri Datuk Patinggi Abang Muhammad Salahuddin Abang Barieng enggau niang Pehin Sri Adenan Satem.

Ungkup rikod, Tun Pehin Sri Dr. Wan Junaidi dipadu nyadi TYT Nengeri Sarawak kelapan berengkah ari 26 Januari tu tadi nyilih niang Tun Pehin Sri Abdul Taib Mahmud ke udah abis timpuh gawa kena 25 Januari 2024.

Pengudah nerima surat chiri mangku pengawa nya, iya mega diberi anugerah pemadu tinggi menua, Darjah Kebesaran Seri Maharaja Mangku Negara (SSM) ke mai gelar Tun.

Penyulut Tun Pehin Sri Dr. Wan Junaidi lebuh mangku pengawa nyata dipeda nyengkaum lebuh iya nyadi Yang di-Pertua Dewan Negara, Menteri di Opis Menteri Besai (Parlimen enggau Undang-undang), Menteri Pemansang Orang Dagang enggau Gerempung Kerejasama, Menteri Rampa Menua enggau Pengeraja Asal, Sapit Menteri Dalam Menua enggau Sapit Speaker Parlimen.

Entara jasa besai iya lebuh nyadi orang besai ba pengawa integrasyen Sempekat Malaysia 1963 (MA63) ba randau entara Perintah Besai enggau Perintah Sarawak enggau Sabah.

Kelimpah ari nya, iya mega ngemudika pengawa transformatif ngagai Konstituasyen Perintah Besai ba pengawa ngaga Undang-Undang Benchi Merejuk Parti kelimpah ngaluska pejalai pengawa rejister pengundi raban beumur 18 taun (enda nyengkaum Institusyen DiRaja).

Sama datai tiga Sapit Premier Sarawak, Datuk Amar Douglas Uggah Embas, Datuk Amar Awang Tengah Ali Hasan enggau Datuk Amar Prof. Dr. Sim Kui Hian, bala Menteri enggau Sapit Menteri, Sekretari Perintah Sarawak, Datuk Amar Mohamad Abu Bakar Marzuki sereta bala temuai dipebasa bukai.

BERITA LAIN

Mangsa tanah runtuh terima bantuan

REPOK: Mangsa-mangsa tanah runtuh di Rumah Jupong dan Rumah Augustine di sini menerima bantuan dan sumbangan khas daripada Timbalan Menteri Sumber Asli dan Kelestarian Alam,

Zii Jia sertai skuad negara ke Piala Thomas 2024

KUALA LUMPUR: Persoalan mengenai penyertaan pemain profesional negara, Lee Zii Jia, dalam skuad Piala Thomas 2024 terjawab hari ini apabila namanya diumumkan dalam barisan pemain

BERITA TERBARU