KUCHING: Tuai Pemegai Menua (TYT) Nengeri Sarawak, Tun Pehin Sri Abdul Taib Mahmud kemari bisi nerima penemuai basa ari Panglima Medan Timur Soldadu Darat, Lt. Jen. Dato’ Mardzuki Muhammad di Demak Jaya.
Tuju penemuai nya laban deka ngangauka Tun Taib nyadi temuai dipebasa nyerumba Eksibisyen enggau Aum Besai Servis Penyaga Menua Asia (DSA) ba Palan Dagang enggau Eksibisyen Entarabansa Malaysia (MITEC), Kuala Lumpur kena 30 March tu.
Mardzuki maya dirandau pengudah tembu pengawa nya madah kelimpah ari eksibisyen, bela bisi diatur iya nya Putrajaya Forum ti ngaul Menteri Penyag Menua enggau panglima raban soldadu enggau mega seminar Cyber Terrorism.
Ungkup penemu, DSA tu mega kebendar eksibisyen penyaga menua enggau pengelikun dalam menua ke pemadu besai ba Asia lalu mandangka kereban teknologi, sistem, perengka moden ba dunya perang ke bisi dijual.
DSA lumpar ke-17 (DSA 2022) deka diatur berengkah 28 nyentuk 31 Mac 2022 di MITEC.
