Udah kelalu laun PKR ngatur strategi PRN

KUCHING: Udah kelalu laun endur Parti Keadilan Rayat (PKR) ngatur strategi, ku Adun Muara Tuang Datuk Idris Buang.

Iya ti mega Ketuai Penerang Parti Pesaka Bumiputera Bersatu (PBB) madahka berita Kaban Parlimen Julau Larry Sang nyurutka diri ari pangku pengawa Chairman PKR ukai pekara ti ngasuh alit ati.

“Orang dalam PKR diatu nyau charut sekalika ba renggat nasional tauka di Sarawak empu.

“Ba Sarawak, enti sema sida deka ngatur strategi, nya udah kelalu laun laban Pengawa Bepilih Besai Nengeri (PRN) Sarawak nyau semak endur,” ku iya.

Idris bejaku munyi nya lebuh ditanya pemberita rambau Program Augerah Vendor Sarawak Energy Berhad di Palan Aum Borneo Kuching (BCCK) ditu tadi.

Suara Sarawak