‘Upah’ ngerusak entukar orang, diukum RM2700

KUCHING: Siku lelaki ari Kampung Selabat, Bako diukum RM2,700 tauka dijil tiga bulan pengudah ngaku salah ngerusak sebuah entukar kemari.

Kort Majistret kemari merintahka Rizal Mostapar diukum pengudah ngaku salah nitihka Seksyen 427 Kanun Keseksaan.

Rizal ngaku salah ngerusak entukar Abduk Rahim Abdulrasid pengudah iya nganu Rizal ngena entukar nadai pemendar.

Rizal ngerusak entukar nya ngujungka iya rugi RM1,000.

Tetuduh didawa ngereja penyalah nitihka Seksyen 427 Kanun Keseksaan pukul 5.15 lemai ba tisi jalai Kampung Selabat, Jalai Bako ditu kena 14 November tu tadi.

Ba kes bukai, siku lelaki ari Jalai Ajibah Abol kena tinggang ukum RM2,000 tauka dijil dua bulan.

Harris Ilias, 44 taun diukum pengudah ngaku salah ngerusak pintu besi sebuah kedai ba Jalai Ajibah Abol diempu Tan Siow Yek.

Tetuduh ngereja penyalah nya pukul 2.14 pagi ba sebuah kedai runcit di Jalai Ajibah Abol kena 4 Disember tu tadi.