ARTIKEL

UNGKUP KENANG… Hanifah (tiga kanan), Royston (dua kanan) enggau bala bukai begambar ungkup kenang ba kayu Krismas.

Urung 7,000 penyereta ngerichah Pengerami Krismas Mukah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MUKAH: Urung 7,000 pengusung ngambi bagi ba Pengerami Krismas ti diatur ba Palan Lapang Pehin Setia Raja ditu, malam Hari Enam.

Entara aktiviti bisi diatur baka Program Bejalai Bebala Mayuh Krismas 2023 ti dipasuk komuniti pupu bansa ngelingi sitak Mukah.

Program bejalai bebala mayuh nya betuai ke Sapit Menteri Ekonomi ti mega Kaban Parlimen Mukah, Datuk Hanifah Hajar Taib sereta disempulang ADUN Tellian, Royston Valentine.

Bela diatur baka pengawa ngidupka lampu ba tujuh kayu Krismas ti nyadi kelai dikena bejadi pengerami nya sebedau program bejalai bebala mayuh berengkah diatur.

Kayu Krismas ti dirias ngena bemacham perengka ngias enggau lampu deka diidup sepanjai bulan Disember tu dikena ngerichahka agi pengawa ngintu pengerami nya.

Nangkan nya, program bejalai bebala mayuh sepenyauh 1.2 kilometer nya diatur begulai raban Gerempung Gerija Sarawak (ACS) Pampang Mukah, Palan Servis Parlimen Mukah enggau Opis Pelilih Mukah.

Program nya berengkah ba Palan Lapang Pehin Setia Raja lalu ngelingi mengeri Mukah sebedau pulai baru ngagai palan berengkah tadi.

Tembu program nya, pengusung beperindang nengah konsert ari sekeda bala penanyi ti dikangau khas baka Suffian Suhaimi, Datuk Francisca Peter enggau sekeda artis lokal ti bukai.

Pia mega, Hanifah beterima kasih ngagai semua raban ti udah ngemujur Pengerami Krismas nya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

PUSTAKA agih daging korban kepada 220 asnaf

KUCHING: Perbadanan Kemajuan Perusahaan Kayu Sarawak (PUSAKA) memperluaskan rezeki dengan mengagihkan daging korban sempena Program Ibadah Korban PUSAKA 2024 kepada 220 orang asnaf bertempat di