“Kitai enggai enti duit ke dibayar nya diberi ngagai nengeri-nengeri bukai.”
KAPIT: “Kitai tetap mayar duit pinjau kitai ngagai perintah besai tang sida patut ngemanahka sekula repuk di Sarawak.
“Kitai enggai enti duit ke dibayar nya diberi ngagai nengeri-nengeri bukai,”munyi nya ku jaku tangkan Kepala Menteri Datuk Patinggi Abang Johari nimbal sentang isu sekula repuk ba nengeri tu.
Kenu ku iya, Sarawak deka mayar utang nya nengah Lon Kontra iya nya perintah besai patut ngemanah sekula-sekula repuk di nengeri tu ngena wang nya.
Iya madah munyi nya rambau Pengerami Bejadika Gempung Parti Sarawak (GPS) Zon 11A ba Rumah Robert Ngumbang, Nanga Sebatu, Batang Rajang dekat sini, semalam.
Sama datai Sapit Kepala Menteri Datuk Amar Douglas Uggah Embas, Presiden Parti Rakyat Sarawak (PRS) Tan Sri James Jemut Masing, Presiden Parti Sa’Ati Rayat Sarawak (SUPP) Datuk Dr Sim Kui Hian enggau Presiden Parti Progresif Demokratik (PDP) Datuk Seri Tiong King Sing.
Pengawa bejadika Zon 11A tu mungkur sitak Kunsil Nengeri (Dun) Pelagus, Bukit Goram, Baleh enggau Katibas
Abang Johari ke mega Presiden Parti Pesaka Bumiputera Bersatu (PBB) madah, iya deka perintah besai adil ngagai Sarawak pengudah Lon Kontra nya dibayar.
“Pasal sekula, aku ngiarka politik laban tu bekaul enggau pengidup bala anak kitai jemah ti begunaka pengelantang endur belajar.
“Tanggungpengawa tu dibaruh perintah besai,” ku iya bejaku ba mua urung 6,000 iku penyukung GPS ti ngulu pengerami nya.
Iya madah udah nyadi tanggungpengawa perintah nengeri mayar utang tang sida patut nguan duit ke dibayar nya ngaduka sekula-sekula repuk di nengeri tu laban nya endang udah tanggungpengawa sida.
“Anang meri duit ke dibayar nya ngagai nengeri-nengeri bukai baka Pahang, Melaka, Kelantan tauka nengeri bukai laban duit nya kami bayar tentu iya patut diguna ungkup Sarawak,” ku iya.
Abang Johari ngasaika isu sekula repuk ba nengeri tu chukupmenyifatkan isu sekolah daif di negeri ini sangat serius sehingga melibatkan kuarters guru.jar.
Nangkan nya, ngelansa pasal pekara bukai Abang Johari nandu penemu diri enda belembut enggau chukai lima peratus ungkup produk gis enggau minyak.
“Kitai deka nengeri tu ngembuan penatai pemisi tambah RM3 billion dalam duit simpan ,”ku iya.
Ba pengerami nya, Abang Johari mega ngungkupka RM5 juta dikena ngaga tamu baru di Kapit lalu Song nerima agih RM4 juta dikena ngaga tamu baru.
Nangkan nya, Abang Johari bisi ngemendarka agih RM10 juta dikena ngemanahka jalai kebun besambungka sitak Ngemah enggau Song.
