SIBU: Palan Transformasyen Mengeri (UTC) Sibu ditutup berengkah ari kemari nyentuk 26 April tu.

Direktor Unit Matau Nengeri, Abdul Rahman Senusi madah, pengawa nutup UTC Sibu nya beduduk ari kes positif Covid-19 majak nambah ditu.

“Komiti Penyangga Penusah Bagi Menua (JPBB) Sibu udah setuju neritka Atur Pengawa Standard (SOP) Atur Mindah Betagang Khas (PKPK).

“utc Sibu nya ditutup ngambi nagang pandemik Covid-19 ba bagi menua tu,” ku iya nerang, ditu kemari.
Nambahka nya ku Abdul Rahman, pengawa nutup UTC Sibu nya enda lama laban nitihka pekara ke nyadi pengudah timpuh PKPK nya.

“Berebak enggau nya, UTC Sibu disadang deka dibuka baru kena 27 April tu,” terang iya.
Ungkup penerang semua, UTC Sibu berengkah dibuka kena 14 March 2016.