Vendor SEB mesti nitihka standard servis ditetapka

KUCHING: Semua vendor ti kerejasama enggau Sarawak Energy Berhad (SEB) mesti nitihka standard peminta ti ditetapka serikat nya.

Kepala Menteri Datuk Patinggi Abang Johari Tun Openg madahka servis ti diberi vendor SEB ngagai mensia mayuh deka meri empas ngagai SEB nyema bisi pekara ti enda betul digaga.

“Enti servis ti dipejalai bala vendor enda manah bekaul enggau kuasa karan, nama SEB ti deka disebut ukai nama vendor.

“Nya alai, semua kunteriktor enggau vendor mesti ngempu tanggungpengawa nyaga kualiti lebuh meri servis laban enti pengawa kita bekualiti SEB deka terus meri kita pengawa,” ku iya.

Abang Johari bejaku munyi nya rambau Program Augerah Vendor Sarawak Energy Berhad di Palan Aum Borneo Kuching (BCCK) ditu, tadi.

Suara Sarawak