ARTIKEL

ALBUM… Bala pengari KGBS begambar ungkup kenang enggau Aminuddin (duduk tengah).

Zulkiflee agi ngemudi Serakup Pengajar Bumiputera Sarawak (KGBS)

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Zulkiflee Sebli mengkang ngemudi Serakup Pengajar Bumiputera Sarawak (KGBS) pengudah mujur ngetanka penuduk nyadi presiden ti udah dipegai ba sesyen ke dulu.

Nya kebuah, iya ngelalau semua pampang KGBS ransing agi matak kaban baru kelimpah nerang pemanah nyadi kaban.

Nambahka nya ku iya, kaban mega meseti bejalaika tanggungpengawa meri penerang pasal pengelebih enggau insentif ti diberi.

“Genap kaban KGBS meseti nemu nama insentif ti diberi ngagai genap kaban enggau dibantai nengah pengelebih nyadi kaban.

“Kami deka ngabas genap pampang ngagai kaban kelimpah naka ulih nambah kaban kelebih agi ari pengajar baru,” ku iya.

Iya madah, naka diatu mayuh pengajar senior enda rejister nyadi kaban KGBS lalu pekara tu mega patut diberi perati.

“Kebuah pia laban kaban baru ulih dilatih nyadi pelapis sekali ke ba renggat pampang tauka renggat besai,” ku iya.

Ke rikod, Aum Dua Taun Sekali mega digulu lebih 50 pengari ari 14 Pampang KGBS selampur nengeri ti diatur ba sebuah hotel belabuh 3 ngagai 5 Mei tu tadi.

Pengawa bepilih nya ngemata 10 Pegawai udah menang pantai ba Aum Besai Bepilih Pegawai Besai ungkup sesyen 2023-2025.

Sepanjai tiga hari aum besai nya, sekeda aktiviti udah mujur diatur nyengkaum Licha Nyadi Tuai, Licha Atur Pengawa Rasmi enggau Taklimat ari Opis Pekara Pengereja Pengawa Sarawak (JHEKS).

Ketetiga licha udah dikenatai pengelicha tebilang nama ti dikangau khas ungkup aum iya nya Mohd Faizal Othman ti tampak agi disebut Cikgu Emmet di media sosial, Sapit Presiden 1 Serakup Orang Gawa Perintah (CUEPACS), Aminuddin Awang enggau Penulung Direktor JHEKS Sarawak, Ismail Mohammad.

Muak ke malam bisi diatur Pengerami Ngabang enggau Apresiasyen Pegawai KGBS ngambi ngerami pegawai KGBS ti udah pinchin enggau ngetuka penggal servis nyadi pegawai KGBS ti nyadi temuai khas iya nya Presiden CUEPACS, Datuk Dr Adnan Mat.

BERITA LAIN

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)