KUCHING: Jaguh nyemerai para menua, Jamery Siga (S5) madahka iya agi nganti gerah ari Kaunsil Lumba Menua (MSN) ngambi nerima dos keterubah vaksin Covid-19.

Iya madahka iya apin nerima berita baru pasal pekara nya naka diatu lalu iya nadai penanggul betuchuk vaksin.

“Pengawa betuchuk vaksin Covid-19 nya endang beguna amat ungkup semua atlit ti ngarika menua.

“Naka tu, aku apin nerima gerah ari MSN,” terang Jamery, ditu kemari.

Ku Jamery, iya tetap sabar nganti haribulan deka nerima vaksin dos keterubah nya.

Jamery madahka iya ulih fokus lalu semangat agi belatih pengudah pengawa betuchuk vaksin nya tembu ila.

Peranak asal Kampung Kuala Mendalam, Ulu Medamit, Limbang ti suah mai pulai midul ba pekit deka bepekit dua lumba iya nya 50 meter kupu-kupu enggau 50 meter kuak lentang.