KUCHING: Kunsil Nengeri (DUN) Sarawak ngemendarka Rang Undang-Undang (RUU) Belanja Tambah 2026 enggau RM120.003 juta.
Sapit Premier Sarawak ke mega Menteri Wang enggau Ekonomi Baru II, Datuk Amar Douglas Uggah Embas lebuh bejuraika RUU nya madah, belanja tambah nya dikena nyaup belanja opis menteri enggau opis negeri.
Ku iya, belanja tambah nya mega dikena macham servis ke enda nerima agih ti chukup ba Langgur Belanja 2026 enggau Langgur Belanja Tambah Keterubah 2026.
“Belanja tambah tu dikena nyaup melanja ungkus macham servis nyengkaum opis menteri enggau opis,” terang iya.
Uggah nyebut pekara nya maya bejuraika RUU Belanja Tambah 2026 ba Aum Kedua Penggal Kelima Kunsil Nengeri (DUN) Sarawak ba Kompleks DUN, ditu tadi.
Iya madah baru, penerang silik bekaul belanja tambah nya bisi ba Keretas Perintah Tusun 10 Taun 2026.
RUU nya udah nerima sukung Menteri Pemansang Indu, Nembiak Mit enggau Pengelantang Komuniti, Datuk Sri Fatimah Abdullah sebedau nerima sukung majoriti.
