GPS ngemujur projek ti dikiinsil perintah besai

“Pengawa ngaga tiga jematan (Jematan Batang Lupar, Jematan Batang Rambungan enggau Jematan Batang Igan) tu beguna bendar ke penyambung jalai menua pesisir Sarawak, nya alai Perintah Sarawak ngungkupka melanja dikena ngemujurka projek jematan tu.”

KUCHING: Pengawa Nasih Tanah projek jematan nyengkaum jematan Batang Rambungan kena 24 November tu mandangka Perintah Sarawak dipegai Gempung Parti Sarawak (GPS) ngamatka semaya ti enda dikeamatka Perintah Besai.

Menteri Muda Infrastruktur enggau Pemansang Penyangkai Kapal Datuk Julaihi Narawi madahka projek ngaga Jematan Batang Rambungan siti ari projek ke asal Perintah besai tang udah dikinsil.

“Pengawa ngaga tiga jematan (Jematan Batang Lupar, Jematan Batang Rambungan enggau Jematan Batang Igan) tu beguna bendar ke penyambung jalai menua pesisir Sarawak, nya alai Perintah Sarawak ngungkupka melanja dikena ngemujurka projek jematan tu.

“Penembu tiga jematan nya ulih nganti sevis feri ba menua pesisir lalu ngemuntangka agi pejalai mensia mayuh ari utara ngagai selatan Sarawak,” ku iya lebuh dirandau Suara Sarawak ba opis iya di Baitul Makmur ditu, kemari.

Suara Sarawak