MIRI: Sepenyampau 1,953 ripot berita bekaul dagang temuai Sarawak dirikodka kenyau Kimpin Nemuai Ke Sarawak (VSC) udah dilanchar taun nyin kemari.
Ketuai Pemesai Eksekutif Kaunsil Dagang Temuai Sarawak (STB), Sharzede Datuk Salleh Askor madahka pekara tu nunjukka piak menua nyukung tegut kimpin tu lebuh ngasilka berita bekaul produk Sarawak ngambi meri penerang ngagai bala penguna.
“Pemujur tu ulih dipeda ke alai penyampau temuai nambah 12 peratus enti dibanding taun nyin kemari lalu pekara tu berindik ari sukung kita (media).
“Nya alai, kami deka neruska kerejasama ngambi mansang agi ngemandangka industri dagang temuai kitai,” ku iya rambau Malam STB Begulai enggau Pemberita Miri ba sebuah hotel tebilang, ditu malam tadi.
