SARATOK: Pelajar nyadika kunchi pemujur pengidup bala nembiak dudi hari.
Ku Kaban Parlimen Saratok, Ali Biju, pemujur tu begunaka kaul rat entara sekula, apai indai enggau pengajar nengah Serakup Apai Indai enggau Pengajar (PIBG).
“Kitai diatu berasai lantang laban apai indai bela deka kiruhka pelajar bala anak sida.
“Tebal agi apai indai diatu nyau udah nemu pemesai reti pelajar ungkup pengidup ti menyana jemah.
“Tambah mega kitai enda ulih besemekih, nitihka singkang pemansang dunya enti ngembuan pelajar ke meruan,” ku Ali madah nyemetak.
Iya mansutka jaku nya ba mua mayuh lebuh datai ngulu sereta dipebasa bejadika Pengerami Makai Lemai Sekula Primari (SK) Supok, Roban ditu, lemai Hari Enam tu tadi.
