LINGGA: Perais mata duit ungkup gelar Raja Sungai Regata Lingga 2023 ditiki ngagai RM15,000 dibanding RM10,000 ba edisyen taun nyin tadi.
Pekara nya dipadah ADUN Lingga, Dayang Noorazah Awang Sohor lalu ku iya, regatta nya diperambu diatur belabuh 7 ngagai 10 Disember tu.
“Taun nyin kemari, perais Raja Sungai penyampau RM10,000 ti dipenggi tim Garuda Embun Berasap ari Kampung Tambak, Pusa.
“Nya kebuah, taun tu kami nambah perais ungkup pemenang kayuh Bidar 30 mujur bulih RM15,000,” terang iya.
Dayang Noorazah mansutka jaku nya lebuh nerima penemuai basa Komiti Kereja Regata Lingga, ditu tadi.
