KUCHING: Kepala Menteri Datuk Patinggi Abang Johari Tun Openg madahka Perintah Sarawak deka meri bantu khas RM500 ngagai semua orang gawa perintah besai ke gawa ba Sarawak.
Perintah Sarawak dipelaba ngena RM47.50 juta ungkup mayar bantu nya ngagai orang gawa perintah pesai ke gawa ditu.
Ku iya, tu dikena kitai ngenang jasa sida ti gawa ditu ke alai kabinet udah setuju meri tambah bantu belanja RM500 ngagai bantu RM500 ari Perintah Besai sebedau tu.
“Bantu khas tu deka dibayar dalam bulan June taun baru laban kabinet baru udah setujuka pekara tu.
“Kitai mega berundingka pengelantang 95,000 orang gawa perintah ba opis perintah besai di Sarawak ti udah nyaup ngemansangka menua tu,” terang iya.
Abang Johari mansutka jaku nya beserimbai enggau Hari Orang Gawa Perintah Nengeri 2019 ba Palan Aum Borneo Kuching (BCCK), ditu tadi.
