KUCHING: Pemujur Sarawak dalam astronomi enggau sains angkasa menujukkan identiti negeri tu, yang terus diperkasa ngagai pemansang teknologi moden.

Direktor Planetarium Menua, Mohd Zamri Shah Mastor, nyebut madah, Roadshow Astronomi 2025 ukai seminar enggau program meda bintang tu ngagai komuniti Sarawak, temegah enggau nyaga pesaka negeri ba pengawa teknologi.

“Ngagai chunto, komuniti Iban suba meda bintang dikena nentuka musin bumai, ngagai kitai udah lama mereti pasal angkasa enggau pengidup sehari-hari,” iya nyebut.

“Sarawak bisi endur ngelantang aktiviti ngemansang astronomi laban gaya geografi enggau lokaliti ideal. Negeri tu keterubah ngagai Malaysia ti bisi planetarium, kediri nya Planetarium Sultan Iskandar.”

Iya madah lagi, pemujur bukai ba astronomi nyengkaum Jong Sow Fei ari Sekula Sekondari (SMK) Batu Lintang ti dibasa pengudah nama iya diberi ba siti asteroid, 31460 Jongsowfei, pengudah menang pekit Intel International Science and Engineering Fair ba taun 2014.

Mohd Zamri nyebut pekara Astronomi 2025 di Palan Konvensyen Serian, ditu ensanus. Iya madah, astronomi bisi besangkut paut enggau pengidup sehari-hari, laban nya pemun ngagai pemansang teknologi moden baka satelit komunikasi, angkasa enggau teknologi roket.

Berebak enggau nya, aktiviti diatur ba Roadshow Astronomi baka pengawa ngelantang robot nyaup nembiak ngelindik tenaga enggau ngaga satelit.

“Nya kebuah, aku ngarap anak Sarawak deka nyadi injinir enggau ulih ngaga satelit dudi hari,” terang iya. – MARCELLA