Selampur nengeri deka disedia bekal ai beresi

MIRI: Opis Menteri Utiliti naka ulih nentuka bekal ai beresi ulih disedia ngagai semua rayat Sarawak ba sitak mengeri enggau menua pesisir, pia ku Menteri Utiliti Datuk Sri Dr Stephen Rundi Utom.

Iya madahka ejensi di baruh opis menteri iya benung ngatur mayuh aktiviti kimpin meri penyedar ngagai mensia mayuh pasal perambu perintah nyendiaka bekal ai.

Ku Rundi, sebagi ari inisiatif Perintah Sarawak nyeliah penanggul bekal ai beresi kelebih agi ba kandang menua pesisir iya nya Projek Altenatif Bekal Ai Menua Pesisir Sarawak (Sawas).

Sawas tu sistem bekal ai pemadu strategic dikena nyendia ai beresi ngagai peranak menua pesisir ti napi penanggul suntuk ai ngelama tu.

“Diatu, perintah bisi sekeda perambu strategic lebuh nyendiaka bekal ai ngagai semua rayat Sarawak lalu siti ari inisiatig tu iya nya Sawas,” ku iya bejaku rambau pengawa nyuaka perais Pelanda 5KM Laku, ditu ensanus.

Ba pengawa nya, Rundi ngingatka bala penyereta enggau semua rayat Sarawak ngambi seruran nyadi gaya idup sida.

“Aktiviti belanda tu meri pemaik ngagai kitai dikena nentuka tikas pengerai ke manah ulih dijaga.

“Kitai patut nyaga pengerai ngambi seruran meri servis lalu bejalaika pangku pengawa enggau manah,” ku iya.

Sama datai Chairman Pengerusi Ekskutif Laku Ir Franklin Ucar enggau Sapit Residen Miri Abdul Aziz Mohd Yusuf.

MANAHKA PENGERAI… Rundi (bediri enam kiba) begambar ungkup kenang begulai enggau bala penyereta ti mujur ngulihka penuduk sepuluh pemadu atas Pelanda 5KM LAKU, ditu ensanus.

Suara Sarawak