KUCHING: Infantri Satu Divisyen merambu ngaga sebuah kem di Bakun dikena ngenegapka agi pengelikun ba sitak Tekat Ai Bakun.

Panglima iya, Mejar Jeneral Datuk Dzulkafli Mustapha, madah, kem nya deka nganjung abis nadai siti kompeni gawa dia ti datai ari raban Rejimen Adan menua.

“Kitai diatu agi nganti pemutus ari Sarawak Energy Berhad (SEB) pasal pekara tu.

“Nambaka nya, Perintah Sarawak udah meri timbal manah pasal pengawa nyendiaka taba nirika kem tu,” ku iya.

Dzulkafli mansutka jaku nya ba aum pemberita pengudah Pengawa Bebaris Genap Taun ke-54 Infantri Satu Divisyen ba Padang Kawad, 4 Kor Armor Diraja, ditu kemari.