ARTIKEL

Status Sarawak dipegai perintah sementara

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KOTA SAMARAHAN: Proklamasi darurat Sarawak ti dipadam ngujungka Perintah Sarawak diatu status perintah sementara, ku Sapit Kepala Menteri Datuk Amar Awang Tengah Ali Hasan.

Taja pia ku iya, status nya mesti nganti penerang rasmi ari Tuai Pemegai Menua (TYT) Sarawak, Tun Pehin Sri Abdul Taib Mahmud.

“Pengudah proklamasi darurat dipadam enggau Ordinan Darurat dibantai, reti iya Sarawak deka nyadi perintah sementara.

“Tang, pekara nya mesti nganti penerang rasmi ari TYT Sarawak,” ku terang iya.

Awang Tengah mansutka jaku nya ngagai pemberita pengudah nyuaka chek pampas ungkup Projek Bako/Sejingkat/Jalai Tebing Tasik Samarahan, taba nangkir SK Ibnu Khaldun enggau gazet rizab komunal bumiputera, sehari tu tadi.

Nambahka nya ku iya ke mega Mandal Presiden Parti PBB, Pengawa Bepilih Nengeri (PRN) mesti diatur ba timpuh 60 hari pengudah Proklamasi Darurat dipadam.

“Tang, PRN-12 tu bepanggai ngagai Komiti Besai Pengawa Bepilih (SPR) nentuka atur nya,” ku iya madah baru.

Kena Hari Tiga tu tadi, Yang di-Pertuan Agong Al-Sultan Abdullah Ri’ayatuddin Al-Mustafa Billah Shah udah ngenukuka pengawa madamka Proklamasi Darurat di Sarawak.

Pemangku Datuk Pengelola Bijaya Diraja Istana Negara, Datuk Azuan Effendy Zairakithnaini madah, Seri madamka Proklamasi Darurat nya seriris enggau Perkara 40 dan 40(1A) Perlembagaan Persekutuan.

Ku iya, mesti diterangka ditu pasal nitihka Seksyen 2 Ordinan Darurat (Kuasa-Kuasa Perlu) (Sarawak) 2021, Proklamasi Darurat ulih dipadam Seri Paduka Baginda tumu agi pengudah berandau enggau TYT Sarawak, Tun Pehin Sri Abdul Taib Mahmud.

BERITA LAIN

Pengelanchar kuasa karan sepanjai Sukma dijaga

KUCHING: Opis Menteri Utiliti enggau Telekomunikasyen deka nentu bekal kuasa karan sepanjai Lumba Malaysia (Sukma) XXI 2024 ti deka diatur ba Sarawak lanchar. Sapit Menteri

BERITA TERBARU