AUSTRALIA: Siku indu tekenyit tetemuka rangkah duyung ba Pantai Keppel Sands, Queenland ditu.
Bobbie-Lee Oates bekunsika gambar rangkah duyung urung 182 sentimeter pemanjai nya ba Facebook.
“Tu baka rangkah mensia enggau ngembuan rang panjai sereta bebulu baka chura chapi tauka kanggaru.
“Rangkah tu baka gaya duyung, bisi bulu enggau iku,” ku iya.
Mensia mayuh ti meda gambar nya ba Facebook setuju enggau penemu indu nya tang bisi sekeda ngumbai nya rangkah dugong.
Siku pakar ba Gerempung Zoologi London, Rob Deaville madah, rangkah nya baka cetacean mit iya nya sebansa jelu tasik baka ikan bam enggau ikan lumba-lumba.
