KUCHING: Beserimbai enggau Hari Sarawak (22 Julai) tu, Restoran Burger King di Plaza Merdeka deka meri 100 igi burger pechuma ngagai 100 iku orang ti pemadu tumu datai ngagai restoran nya.
Direktor Exsekutif Burger King Singapura Ng Lee Tieng madahka Restoran Burger King di Plaza Merdeka tu pampang ke-106 ba selampur menua.
“Diatu kami muka baru operasyen pengudah ditutup ketegal Atur Tagang Pejalai (PKP) enggau PKP Bersyarat nyin kemari enggau tim baru sereta ngena pelasar ‘20/20 Garden Grill’.
“Kami mega merambu deka muka mayuh agi pampang bukai ba Sarawak ngena pelasar ti sebaka,” ku iya.
Lee Tieng bejaku munyi nya ba Program Muka Baru Operasyen Restoran Burger King di Plaza Merdeka ditu, sehari tu.
Ku iya, mayuh bansa burger ti dijual ba restoran ungkup peminta mensia mayuh ti rindu makai burger.
Kelimpah ari nya, iya madahka enggau tim ti baru, restoran tu deka dipejalai enggau lebih meruan laban semua bansa burger ti digaga Burger King bisi dijual dia.
“Sebedau tu, Restoran Burger King diuruska ‘francais’ bukai, tang diatu restoran tu deka diuruska Burger King empu enggau gaya ti lebih baru,” ku iya.
Sama bisi datai kemari Direktor Besai Plaza Merdeka Holdings Sdn Bhd Datuk Steve Ng, Ketua Makit Burger King Sarawak Goh Yin Yin enggau bala bukai.
Ungkup penerang mensia mayuh, Restoran Burger King di Plaza Merdeka berengkah dibuka kemari bepun ari pukul 10 pagi.
