INDUN SILONG
Suarsarawak.news@gmail.com

KOTA SAMARAHAN: Kaunsil Mengeri Kota Samarahan (MPKS) nyiri 12 mua baru dalam rintai kaban kaunsil nya ungkup penggal berengkah 1 April 2025 nyentuk 31 March 2028.

Rintai nya diulu ke Chairman MPKS ti baru iya nya Abang Ismawi Abang Ali enggau Sapit Chairman MPKS, Daily Joseph.

Bisi 32 kaban kaunsil MPKS ungkup penggal 2025 nyentuk 2028 angkat sumpah ba Balai Gerempung Peladang Nengeri Sarawak urung pukul 10.30 pagi tadi.

Abang Ismawi meri terima kasih ngagai Perintah Sarawak laban ngelempai pengandal ati ngagai iya ngulu ke MPKS.

Ku iya, MPKS nangkan tu deka berandau sereta baum ngelanggur pemansang ti deka dipejalaika di Kota Samarahan.

“Kota Samarahan deka deras mansang enggau ngerembai sereta tebilang dikumbai mengeri penemu enggau pengerai.

“Tu deka nampung penyampau tubuh rayat di Kota Samarahan ti majak nambah.

“Berindik ari nya, kami beguna ruang opis ti besar agi enggau indu opis ti baru,” ku iya.

Iya ngarap semua kaban kaunsil bejalaika tanggungpengawa sida enggau manah sereta enda bechiping.