KUCHING: Penyampau Palan Pengenduh (PPS) di Sarawak bisi kurang ngagai 29 PPS naka pukul 4 lemai, 11 Januari 2026, setipak enggau gaya ampuh bah ti majak surut ba sekeda kandang endur di menua tu.

Nitih ke ripot pemadu baru ari Komiti Penyangga Penusah Ngenyit Nengeri (JPBN) Sarawak, bisi 2,802 raban tasah bah ari 864 Tuai Ruang Bilik (KIR) agi ngenduh ba semua PPS ti beoperasyen di selampur nengeri.

Ba bagi menua Serian, PPS agi beoperasyen di Pelilih Menua Siburan, Serian, Balai Ringin enggau Tebedu enggau tebal agi palan nya ngerikod status tetap, tang Stadium Bola Keranjang Tertutup PPS di Serian bisi dirikodka nambah lemai kemari.

Sekeda PPS besai di pelilih Serian iya nya Balai Mensia Mayuh Serian ti nyadi palan ngenduh 325 raban tasah ari 94 KIR enggau PPS SK Tanah Merah di Siburan ngengkah 305 raban tasah ari 108 KIR ngenduh mengkang beroperasyen.

Ba bagi menua Sibu, PPS Balai Kampung Jeriah di Sibu agi mengkang nyadi palan pengenduh tujuh raban tasah bah ari dua KIR lalu PPS Balai SMK Bukit Assek dibuka nyadi PPS baru.

Berebak enggau nya, di bagi menua Mukah, PPS Balai James, Sebaya Atas, Sungai Baoh Burak di pelilih Dalat dirikod nambah ngagai 163 raban tasah ari 45 KIR lemai kemari.

Ba bagi menua Bintulu, PPS Balai Suarah Bintulu mega dirikod nambah ngagai 235 iku ari 85 KIR, lalu PPS Balai SMK Sri Kemena Sebauh dibuka nyadi PPS baru ungkup 13 raban tasah bah.

Taja pia, ba pelilih Sebauh, PPS Balai Raya Sebauh dirikod kurang laban semina tinggal 147 raban tasah ari 51 KIR agi diau ba palan nya.

Ba bagi menua Miri, PPS Masejit Darul Iman Kampung Tudan Fasa 2A bisi nambah ngagai 67 iku lalu PPS Balai Komuniti Tudan Fasa 4 enggau PPS Balai Anak Bulan Mirah dirikod mengkang baka ensanus.

Pengawa mindahka raban tasah bah di Sarawak diripot majak kurang, taja pia raban bekuasa terus matau gaya hari sereta ngelalau peranak seruran bejaga sereta nitih ke gerah pengelikun ti dikeluar raban bekaul.