KUCHING: Sepenyampau 35,885 chalun ba Sarawak udah napi peresa betulis Sijil Pelajaran Malaysia (SPM) 2023 di 257 buah palan peresa ti belabuh sehari tu.
Direktor Opis Pelajar Nengeri Sarawak, Datuk Dr Azhar Ahmad madah, peresa nya dipejalai belabuh 30 Januari tu tadi nyentuk 7 March tu.
Ba Sarawak, ku iya, bisi 149 chalun begunaka kereban khas (OKU) ti napi peresa betulis SPM.
“Semua iya kitai bisi 395,870 chalun berejister ba 3,340 palan peresa selampur menua ke deka napi peresa SPM.
“Seraya bisi 2,531 iku penyaga peresa udah dichiri nentuka atur peresa betulis SPM Taun 2023 lanchar,” terang iya.
Azhar mansutka jaku nya lebuh dirandau pemberita pengudah bejadika hari keterubah nembiak SPM ba Sekula Seni Malaysia Sarawak, Jalai Sultan Tengah, ditu tadi.
