KUCHING: Sarawak nyadi nengeri pemadu dulu nembuka Projek ‘Point of Presence’ (PoP) Renggat Kedua lebuh 69 ari 681 bengkah projek nya udah tembu naka bulan November tu tadi.
Sapit Menteri Komunikasyen, Teo Nie Ching madah, penyampau nya 10 peratus ari semua projek ti dilanggur ke alai laluh 90 peratus da agi dipelaba tembu ba timpuh dua taun sebedau bulan Oktober 2025 ari Serikat Borneo Restu Sdn. Bhd.
“Aku pechaya Serikat Borneo Restu Sdn. Bhd. ulih nembuka projek tu tumu ari taga ti udah ditetap.
“Ari penyampau semua projek PoP tu, bisi 20 PoP disediaka Perintah Besai ngagai Parlimen Santubong lalu Sekula Primari (SK) Santubong nerima siti projek,” ku iya.
Nie Ching bejaku munyi nya rambau bejadika pengawa ngabas PoP ba SK Santubong ditu, tadi.
Ku iya, bisi 748 PoP diperambu digaga ungkup nengeri Sarawak nengah Renggat Satu enggau Renggat Dua.
