KUCHING: Mensia mayuh ke diau besemak tebing Sungai Batang Rajang dipinta bejejaga laban ai ari Tekat Bakun bepun dibubuhka sehari tu (12 Julai).

Dalam siti penerang media Kaunsil Sungai Sarawak(LSS) kemari, gerah nya digaga laban operasyen mubuhka ai ari Tekan Bakun berenggat deka dipejalaika Sarawak Energy Berhad (SEB) sepengelama empat minggu bepun 12 Julai ngagai 8 Ogos deka datai.

“Pengawa tu dikena ngurangka pemayuh ai ba dalam Tekat Bakun ngagai tikas ti selamat,” ku penerang nya.

LSS madahka sida melaba sepemanjai timpuh mubuhka ai nya, tikas ai ba sebelah ili tekat dipelaba deka niki belubah.

“Semua piak ti bekaul iya nya kapten kapal enggau penguna sungai di ili Tekat Bakun dilalau nyaga pengelikun maya nengah sungai nya.

“Mensia mayuh ti deka nemu penerang silik tau betelefon ngagai Palan Servis Penguna 24 jam SEB ba lumur 1 300 88 3111,” ku tandu penerang nya.