BEIJING: Amerika Syarikat (AS) dikearapka ngaga pemutus patut sepenemu enggau China dikena nentuka pemanah kaul kededua buah menua bepelasarka prinsip bebasa enggau nadai sebarang krisis ke pemaik dua buah menua nya.

Pekara nya dibantaika Direktor Opis Pekara Luar Komiti Palan Parti Komunis China, Yang Jiechi maya berandau enggau Sekretari Menua AS, Antony Blinken kena Hari Enam tu tadi.

Kelimpah ari nya, AS mega dipinta chakah agi nyaga pengelantang enggau pengelikun ba rantau Asia Pasifik.

Iya mega nandu penemu China bekaul enggau penyadi ba menua Myanmar, enggau minta komuniti entarabansang nyendiaka buah penemu ke manah dikena nyaup mutarka penanggul nya.

Berebak enggau nya, Antony Blinken madah pemanah kaul AS-China chukup beguna ke pemaik kededua buah menua, pia mega ngagai menua bukai.

AS sedia ngempit kaul enggau China. Iya madah AS deka terus ngemeranka prinsip satu China.-Bernama