DARO: Lima diri sebilik kesal lebuh atap rumah sida tekabak dikebu kudi ba penusah ke nyadi ba Sungai Serban, Nanga Lassa lemai kemari.
Nitihka penerang penusah nyadi urung pukul 6.00 lemai, lebuh sida ke ditinggang penusah benung belelak ba bilik besai rumah nya.
Sid amadah, tu keterubah penusah ke bansa nya nyadi nuntung lima ruang bilik nya sekumbang udah diau ba rumah nya kenyau beberapa taun ke udah.
Taja pia, sekeda rumah panjai bukai ke berimbai nadai apa nama sereta nadai rusak.
Berebak enggau nya, Kaban Kunsil Nengeri (Adun) N.43 Daro, Safiee Ahmad lebuh dirandau madah, iya bisi dipadah bekaul enggau penusah nya.
Semua sida ku iya, benasip laban mujur nyelamatka diri.
“Pengudah ninga berita nya, aku terus nganjung pengari ngabas sereta meri bantu dikena ngemanahka rumah sida.
“Nya alai, aku ngenataika penyinu ati bekaul enggau penusah ke nuntung sida Pater Jugah, 38, sebilik arapka sida liat ati nempuh penguji ke nuntung,” ku iya.
