KUCHING: Opis Pansik enggau Penerit Adat Trafik (JSPT) deka ngelancharka kimpin bebayarka saman chara nengah online dikumbai e-Payment.
Bala penguna deka diberi diskaun 50 peratus enti mayar saman kandang lima hari berengkah ari 25 ngagai 29 Mac, taun tu.
Direktor Opis Pansik enggau Penerit Adat Trafik DCP Azisman Alias madah, kimpin nya dilanchar beserimbai Hari Polis ke-213.
Ku iya, kimpin tu dikena meransang mensia mayuh nitihka Atur Nagang Pejalai (PKP) ba selampur menua.
“Mensia mayuh ulih mayar sama sida nengah bayar online (e-payment) berindik ari nutup kaunter bayar saman ba Indu Opis Polis.
“PDRM mega bejalaika diskaun nyentuk 50 peratus ba saman bukai ngambi ngelempungka penusah komuniti,” ku iya ba sebengkah penerang, ditu tadi.
Berindik ari nya, iya madahka mensia mayuh tau mayar sama nengah portal www.myeg.com.my enggau www.rilek.com.my.
