Begunan DCCI, DCF bepun digaga udah Gawai

KUCHING: Pengawa nirika begunan Balai Dagang Industri Dayak (DCCI) enggau Yayasan Budaya Dayak (DCF) disadang deka berengkah pengudah Gawai taun tu.

Presiden DCCI Datuk Joseph Salang Gandum madahka projek nya deka digaga ba tanah pemesai 2.266 hektar di Jalai Ong Tiang Swee, ditu.

Iya madah munyi nya pengudah nerima chek RM10 bilion ari Perintah Sarawak dikena melanja pengawa ngaga begunan nya.

Sapit Kepala Menteri Datuk Amar Douglas Uggah Embas ngarika Perintah Sarawak nyuaka chek nya ngagau Salang ba opis iya di Wisma Bapa Malaysia ditu, tadi.

Ku Salang, belanja RM10 bilion nya belanja kedua ari RM20 bilion ti udah diungkupka Perintah Sarawak dikena melanja pengawa begunan dua organisasyen Dayak nya.

“Genap organisasyen nerima RM10 bilion lalu kami meri besai terima kasih ngagai Perintah Sarawak laban udah meri agih belanja nya.

“Kami bela beterima kasih laban udah ngungkupka tanah ngagai DCCI enggau DCF,” ku Salang.