KUCHING: Sapit Premier Sarawak, Datuk Amar Awang Tengah Ali Hasan ngulu aum khas Komiti Pengatur Borneo International Halal Showcase 2026 (BIHAS) 2026 dikena nisih pemansang pemadu baru sereta tuju pejalai program nya.
Aum nya meri awak ngagai kaban komiti bejuraika perambu sereta batang program kelimpah ngulihka sanding penemu iya ti nyadi chairman nentuka tiap pekara dilanggur nengah chara ti manah.
Entara pekara bebatang dikerandau nyengkaum konsep ngatur, strategi ngelaku sereta chara ngelaku ti nemban nentuka BIHAS 2026 ngemujur juluk penyereta sereta pemaik ekonomi ti ditetap.
Iya mega madah ke pemesai reti pengawa nyeraris entara ejensi bekaul sereta pengawa besikap logistik dikena nyamin pemujur program betikas antarabansa nya.
Ku iya, BIHAS 2026 ukai semina pelasar mandang produk sereta servis halal, tang patut nyadi pelasar strategik matak pengawa meranak puku, ngerembai rentayan makit sereta negap pengawa besemekih orang dagang menua ba renggat global.
Nengah perambu silik sereta juluk ti nyengala, BIHAS 2026 ulih nyadi pelasar engkeman dikena ngentapka penuduk Sarawak ba industri halal global. – EDISI UKAS
