MURUM: Kaban Kunsil Nengeri (Adun) Murum Chukpai Ugon bisi datai ngabas pengawa ngaga projek Jematan Besi di Sungai Penyuan, Belaga,kemari.

Projek tu nyadi batang jalai ngelawa ke Long Urun, Belaga ti udah berengkah digaga kenyau 15 Oktober 2019.
“Sehari tu (kemari), pengawa masang besi jematan benung digaga.

” Penembu jematan tu ila deka ngemandakka pejalai ngelawa Long Urun, ” pia ku iya nengah Facebook iya, kemari.

Nambahka jaku iya Chukpai madah, projek ari Perintah Nengeri nya bela deka mai pengelantang ngagai 15 buah rumah panjai kelimpah sebuah sekula iya nya SK Long Urun.

“Ngarapka projek tu enggau projek-projek rayat ba DUN Murum ulih diaduka enggau nadai penanggul,” ku iya madah baru.