Dua pintu Rh Gerinsa ampuh tengan pah

SIBU: Dua ruang bilik begau pengudah rumah sida ampuh ba Rumah Gerinsa Narang, Selangau malam tadi.

Pengari ari Operasyen Bomba Sarawak madahka penusah nya nyadi urung pukul 10.30 malam lebuh sida udah terenah magang ba rumah.

Ku pengari nya, sida berumban telefon ngagai Balai Bomba enggau Penyah Penusah (BBP) Selangau minta sah.

“Lapan iku staf betuaika Pegawai Bomba Kanan II, Bonnie Sera berumban ngesah penusah nya pengudah nerima kangau pukul 10.34 malam.

“Lebuh datai dia, kami tepedaka Rumah Gerinsa udah ampuh tengan pah orang besai tuai.

“Rumah panjai nya bisi 19 pintu tang semina dua pintu bilik aja agi diau dia seraya 17 ruang bilik bukai udah pindah ngagai rumah baru enda jauh ari nya,” ku iya nerang.

Iya mega madahka raban bomba udah mindahka sida nya ngagai rumah baru nya.

“Sida ke tasah bah nya bela lima iku diri sebilik,” ku pengari Bomba nya nerang.

Suara Sarawak