KUCHING: Polis benung nyidi dua lelaki ti ngelarika diri ari rasmi dijaga ba baruh undang-undang di Kort Kuching ditu pukul 11.30 pagi kena 7 March tu tadi.
Tuai Polis Pelilih Kuching, ACP Mohd Farhan Lee Abdullah madah, kededua saspek agi ba timpuh dipechara ungkup kes ba baruh Seksyen 395/397 Kanun Keseksaan (ngerumpak nadai ngena senyata api).
“Sebarang orang ti ngelalai kededua saspek tu ulih didawa ba baruh Seksyen 225 (b) Kanun Kesekssan ti ulih dijil tiga taun enggau diukum mata duit,” ku iya ba sebengkah penerang tadi.
Iya madah, kes nya dipansik ba baruh Seksyen 223/224 Kanun Keseksaan ti nyendia ukum jil dua taun tauka diukum mata duit tauka kededua sekali.
Nya alai, Mohd Farhan ngelalau mensia mayuh ti ngembuan penerang bekaul betelefon terus ngagai polis ti besemak tauka Palan Nyaga IPD Kuching ba lumur 082-24444 tauka Pegawai Pemansik Kanan, ASP Chris Olsen Ramlee ba lumur 013-8607572.
