Empat diri sebilik dikemendar dalam sebuah kerita

KUCHING: Sarawak deka nitihka atur Perintah Besai ti ngemendarka empat iku diri sebilik bejalai ba siti kerita.

Sapit Kepala Menteri ti mega nyadi Chairman Komiti Penyangga Penusah Ngenyit Nengeri (JPBN) Datuk Amar Douglas Uggah Embas madah berindik ari pekara nya udah digazet nyadi siti undang-undang, nya alai Sarawak deka nitihka atur ke udah ditetapka nya.

“Ba reti jaku bukai, kitai deka ngemendarka atur empat iku nepan siti kerita,” ku iya nerang pandak ba siti penerang, tadi.

Apin lama ke udah, Menteri Kanan (Kluster Pengelikun) Datuk Seri Ismail Sabri Yaakob semina empat iku diri sebilik dikemendarka nepan siti kerita.

Ku iya, nadai penanggul enti sema orang ke nepan kerita nya sama diri sebilik.

“Kitai nemu nadai penanggul nyaga takah nyadi ba rumah.

“Nya alai perintah ngemendarka kerita tauka perengka pengangkut kediri ulih ditepan empat iku diri sebilik ari rumah ke sama.

“Aku pechaya bisi mega deka ngelaban atur tu tauka mai bakih tang meseti diingatka orang ti ngelaban atur tu deka nerima ukum ti terit,” ku iya madah ba aum pemberita di Putrajaya.

Suara Sarawak