KUCHING: Empat hab strategik gas Sarawak deka ngagihka kuasa kritikal sereta pemungkal kunsi ngagai pemansang industri, matak pemeranak puku enggau meransang penumbuh ekonomi di selampur Sarawak.
Menteri Utiliti enggau Telekomunikesyen, Datuk Seri Julaihi Narawi madah ke empat palan tu iya nya Pelin Tunga Kuing Gas Sarawak (SGR) di Miri, Samalaju, Bintulu enggau Kuching.
“Pelin nya nyengkaum sekeda kunchi projek infrastruktur gas sekalika ti benung dipejalai tauka dalam perambu, baka Miri Combined Cycle Gas Turbine (CCGT) Power Plant 500MW, Salur Paip Samalaju (SPL), projek Gas ke Bintulu enggau Kuching Low-Carbon Hub.
“Genap projek tu ngayanka singkang ti besai ngamatka Sarawak ngembuan visyen nyadi hab kuasa pelilih menua,” ku iya.
Julaihi bejaku munyi nya rambau Gempuru Tunga Kuing Gas Sarawak ti dipenyadi Premier Sarawak Datuk Patinggi Tan Sri Abang Johari Tun Openg ba sebuah hotel ditu, tadi.
