CYBERJAYA: Komiti Besai Komunikasyen enggau Multimedia Malaysia (MCMC) negap pemansang standard teknikal nentuka servis begunа baka komunikasyen, bekal kuasa karan enggau ai ulih beoperasyen likun, tegap enggau nemban agi.
SKMM ba sebengkah penerang madahka inisiatif nya begunа amat berindik ari kitai majak bepanggai ba teknologi digital enggau sistem ti bela besambung nyentuk penanggul ba siti sistem ulih ngeruga servis bukai sereta pengidup rayat besehari-sehari.
Berebak enggau nya, SKMM ngatur seminar Enabling Intelligent and Resilient Utilities through Standards di MCMC Centre of Excellence, Cyberjaya, ensanus serimbai Hari Standard Sedunya 2026.
Seminar nya mega mandangka Langkar Kereja Atur Standard Teknik MCMC (Framework for Technical Standards Governance) dikena ngemanah langgur, atur nyeraris enggau pemansang standard teknikal ba sektor komunikasyen enggau multimedia nipak pemansang teknologi sereta peminta industri.
Sesyen nya ngempuru pengari ejensi matau, raban pemansang standard, raban industri, raban bekuasa menua enggau kaban akademik ngambi berandauka atur nyeraris standard teknikal ngilah sektor komunikasyen, kuasa, ai enggau pemansang infrastruktur.
“Kerejasama rat enggau ejensi bekaul enggau raban industri deka ditegap nentuka teknologi sereta sistem ulih dikena manah agi.
“Pengawa nya mega nyukung pengawa nyendia servis begunа ti likun enggau entap agi ke pemaik rayat,” ku iya. – LYDIA AMAN
