Enam kes baru di Kuching, siti di Bintulu positif Covid-19

KUCHING: Sarawak sehari tu ngerikod tujuh kes positif Covid-19 ke mungkur enam kes ari Pelilih Kuching enggau siti ari Bintulu, tu ngujungka penyampau kes niki ngagai 601 kes.

Komiti Penyangga Penusah Ngenyit Nengeri (JPBNS) madah, bisi dua kes import ke bisi sejarah pulai ari menua luar.

“Kes keterubah iya nya peranak menua ke baru pulai ari Singapura kena 12 Julai 2020 lalu transit semalam di Kuching.

“Maya datai ba Padang Bilun Entarabansa (KIA) Kuching, iya terus dianjung ngagai palan kuarantin hotel di Kuching lalu udah nya iya nampung pejalai ngagai Bintulu mua ke hari siti.

“Asil peresa Covid-19 ba hari kedua iya nya kena 16 Julai 2020 dia tudah dikenuku positif,” ku iya.

Nitih penerang JPBN, ungkup kes kedua iya nya mungkur siku peranak menua tu ke baru pulai ari Indonesia kena 5 Julai 2020 nengah Padang Bilun Entarabansang Kuala Lumpur (KLIA) enggau ngagai KIA Kuching kena 6 Julai 2020.

“Pengudah datai ba KIA, kes dianjug terus ngagai palan kuarantin hotel di Kuching ngambika dikuarantin pengelama 14 hari.

“Asil peresa Covid-19 ba hari kedua iya ditemu negatif tang pengudah diperesa baru ba hari ke-10 kena 17 Julai 2020 dia tudah dikenuku positif,”ku iya.

JPBN mega madah, siti kes diripot mega mungkur siku peranak menua tu ke bisi kaul enggau kes positif Kluster Mambong.

Suara Sarawak