KUCHING: Raban Duta Amerika Latin enggau Carribean di Malaysia (GRULAC) merambu ngatur Pengerami Amerika Latin di Kuching, ujung taun tu.
Duta Besai Uruguay, HE Valeria Csukasi ke mega pengari raban nya madah, atur pengerami nya udah dikerandau enggau Premier Sarawak, Datuk Patinggi Tan Sri Abang Johari Tun Openg lebuh ngatur penemuai basa ba opis iya di Wisma Bapa Malaysia, ditu tadi.
Ku iya, Abang Johari nyukung pengerami nya ke deka nyungkak ekonomi Sarawak enggau ulih matak pengawa beranakka puku ari menua luar.
“Premier Sarawak chukup manah ati meri pemendar kami ngatur pengerami tu.
“Tuju pengerami tu dikena mai budaya kami enggau sebagi ari chara matak pengawa beranakka puku ngagai pemansang ekonomi, peluang bedagang enggau nentuka budaya Latina-Amerika chukup dikelala di Sarawak,” terang iya.
Valeria mansutka jaku nya ngagai pemberita pengudah penemuai basa nya.
